Македонски (Macedonia)English (United Kingdom)

                                       

 

FacebookTwitter
Вести
Промоција на ново-опремените канцеларии на „Регионалниот центар за поддршка на граѓанскиот сектор во општините од Вардарски плански регион со седиште во општина Кавадарци“ PDF Печати Е-пошта

Центарот за развој на Вардарски плански регион и Општина Кавадарци на ден 17.03.2017 година (петок), свечено ги промовираа ново-опремените канцеларии на „Регионалниот центар за поддршка на граѓанскиот сектор во општините од Вардарски плански регион со седиште во општина Кавадарци“.

Проектот за опремување на канцелариите со комјутерска технологија и канцелариски материјал претставува продолжение на првата фаза за изградба на овој Регионален центар. Опремувањето на Регионалниот центар како втора фаза е финансиски поддржан од страна на  Програмата за развој на Обединетите Нации – УНДП и Општина Кавадарци, за чија цел беа издвоени 740.139,00 денари.

Првата фаза на овој проект, односно изградбата на овој Регионален центар е финансиски овозможена од Бирото за регионален развој и Министерството за локална самоуправа, во рамки на Програмата за рамномерен регионален развој за 2015 година, за која беа издвоени 4.099.616,00 денари.

 

Со опремувањето на Регионалниот центар ќе се овозможи јакнење на капацитетите на граѓанските организации, од аспект на логистичката подршка на истите, што пак, ќе придонесе кон поголема мотивираност кај нив за развивање на нови креативни идеи и предлози,  иницијативи и се она што е во склоп на развој на општеството.


 
Потпишан Договор со Амбасадата на Јапонија во Скопје за проектот „Опремување на Против-пожарната единица во Општина Велес PDF Печати Е-пошта

Денес 13 март 2017 година, Центарот за развој на Вардарски плански регион потпиша Договор со Амбасадата на Јапонија во Скопје во рамки на проектот „Опремување на Против-пожарната единица во Општина Велес со ново противпожарно возило“. Проектот е финансиран од програмата „Грант помош за поддршка на мали проекти” (Grant Assistance for Grassroots Human Security Projects – GGP) основана од Владата на Јапонија. Обезбедени се 60.442 евра за набавка на ново противпожарно возило, пожарникарска опрема и апарати за комуникација помеѓу пожарникарите на Територијалната Против-пожарна единица Велес.

 

 
Инфо сесија за четвртиот повик за инструментите: Кофинансирани грантови за новоосновани трговски друштва старт-ап, спин- оф и Кофинансирани грантови и условени заеми за комерцијализација на иновации. PDF Печати Е-пошта

Бизнис Центарот за поддршка и советодавни услуги за мали и средни претпријатија во Вардарскиот плански регион во соработка со Фондот за иновации и технолошки развој организираат инфо сесија  за четвртиот повик за инструментите:  Кофинансирани грантови за новоосновани трговски друштва старт-ап, спин- оф и Кофинансирани грантови и условени заеми за комерцијализација на иновации.

Целта на оваа инфо сесијае да сe појасни начинот на аплицирање на потенцијалните апликанти,како да подготоват предлог проект, со информации за софтверот, презентација на апликацискиот пакет и правилата и процедурите за финансирање на инструментот.

 


 
Одржана 21-та Седница на Совет за развој на Вардарски плански регион PDF Печати Е-пошта

Денес Центарот за развој на Вардарски плански регион ја одржа 21-вата по ред Седница на Советот за развој на Вардарски плански регион, во просториите на Општина Росоман.

Дневениот ред го сочинуваа вкупно 8 точки, кои беа предложени од страна на Претседателот на Советот за развој на Вардарски плански регион, м-р Славчо Чадиев,а кои подетално ги образложи Раководителот на Центарот за развој на Вардарски плански регион. На денешната седница, едногласно беа усвоени Годишниот извештај за работата на Центарот за развој на Вардарски плански регион за 2016 година и Годишниот извештај за спроведување на Програмата за развој на Вардарски плански регион за 2016 година, кои се законска обврска на Центарот. По деталното образложение од страна на Г. Колев, беше донесена и Одлуката за усвојување на Завршна сметка за 2016 година на Центарот за развој на Вардарски плански регион. Како и на досегашните седници и на денешната седница на Советот, г. Колев ги информираше членовите за степенот на реализација на Договорите за соработка потпишани помеѓу Министерството за локална самоуправа и Единиците на локалната самоуправа од Вардарски плански регион, основачи на Центарот. Тој ги запозна членовите на Советот со активностите и задачите кои како законска обврска го спроведе Центарот во изминатата 2016 година.

Раководителот на Центарот ги информираше Градоначалниците за имплементираните проекти во 2016 година, вкупно 16, од кои 6 проекти финансирани преку Биро за регионален развој, 1 проект преку Агенција за финансиска поддршка на земјоделството и руралниот развој и 8 проекти преку странски донатори, УНДП, ГИЗ, УСАИД. Воедно Г. Колев ги запозна присутните со степенот на реализација на тековните проекти на Центарот за развој на Вардарски плански регион финансирани од домашни и странски извори кои целосно ќе се реализираат оваа година и кои се вкупно 7 на број, како и со 9-те нови проекти аплицирани изминатата година за кои сеуште се чека уште одговор.


 
Реконструкција на кров на поранешното основно училиште Јордан Х.К. Џинот PDF Печати Е-пошта

На 21.12.2016 година, се отпочна со реализација на градежните активности за реконструкција на кров на поранешното основно училиште Јордан Х.К. Џинот кој како јавен објект е во сопственост на општина Велес.  Поранешното основно училиште Јордан Х.К. Џинот во приземјето се планира да прерасне во детска градинка, а на горниот кат ќе прерасне во Центар за граѓански организации кои работат со лица со попреченост.

Овие градежни активности се имплементираат во рамки на проектот: “Грижа за лицата со попреченост преку обезбедување на поадекватни просторни услови за граѓанските организации за подготовка и испорака на поквалитетни услуги кои ќе ја помогнат интеграцијата на овие лица во општеството - Реконструкција на јавен објект на Општина Велес – Центар за граѓански организации кои работат со лица со попреченост”, кој е финансиски поддржан од Програмата за локален развој на Програмата за развој на Обединетите Нации – УНДП, Општина Велес и Центарот за развој на Вардарски плански регион. Како дел од овој проект, во изминатиот период беа изработени основен проект за реконструкција на кров, фасада, и промена на врати и прозорци, како и ревизија на основниот проект.

 
<< Почеток < Пред 1 2 3 4 5 6 7 8 9 10 Следно > Крај >>

Page 1 of 14
Copyright © 2017. Центар за развој на Вардарски плански регион. Designed by Pance