Македонски (Macedonia)English (United Kingdom)

                                       

 

FacebookTwitter
Вести
Утврдена листа на приоритетни проекти за финансирање од страна на ГИЗ РЕД PDF Печати Е-пошта


На ден 30.01.2015 (петок) во Општина Неготино, Центарот за развој на Вардарски плански регион организираше работилница за утврдување на предлог-проекти кои ќе бидат финансирани од Програмата за регионален економски развој ГИЗ РЕД - Шема за финансиска поддршка за 2015 година.

Повеќе...
 
Информативен состанок за иницијативата "Да одгледуваме повеќе пченка" PDF Печати Е-пошта

Денес, 23.12.2014 година, во Општина Велес, Центарот за развој на Вардарски плански регион заедно со Проектот за експанзија на мали бизниси, финансиски поддржан од УСАИД и Швајцарската влада, организираше средба со фармерите од регионот која произлезе како резултат на иницијативата “Да одгледуваме повеќе пченка”.Целта на денешниот настан беше да се презентираат постигнатите резултати на иницијативата и да се промовираат плановите за 2015 година.

Повеќе...
 
Одржан вториот по ред ,,Ден на партнерства во Вардарски плански регион” PDF Печати Е-пошта

На ден 03.12.2014 година (среда) во општина Велес беше одржан вториот по ред ,,Ден на партнерства во Вардарски плански регион”. Настанот се организираше во рамки на проектот "Мрежа за инклизивен развој во Вардарски плански регион" поддржан од Програмата за развој на ОН- УНДП по повод отварање на Објектот на поранешно Радио Велес и предавање во употреба на Центарот за развој на ВПР како седиште на Мрежата за инклизивен развој на Вардарски плански регион. Мрежата доби седиште во кое ќе продолжи да ги одржува своите редовни седници и состаноци преку кои во континуитет ќе ја остварува својата мисија, односно ќе ги координира и спроведува мерките и активностите за поддршка на јавниот, приватниот и невладиниот сектор во создавањето на услови за развој на силна и конкурентна економија на ВПР. На настанот учество земаа Градоначалниците на Општините од Вардарскиот регион, членовите на Мрежата за инклузивен развој на ВПР, претставници од Програмата за развој на ОН- УНДП, тимот од Центарот за развој на ВПР, претставници од јавните институции училишта, градинки, Центри за вработување и Центри за социјална заштита од ВПР но и претставници од приватни компании од регионот како и од невладиниот сектор.

Во продолжение на овој настан кој што воедно беше и Светски ден на лицата со попречености, беше потпишан договорот за финасиско учество за реализација на проектот Воспоставување на меѓуопштинска соработка во социјалната заштита и заштита на децата и ранливите групи помеѓу општините Велес, Кавадарци, Градско, Чашка и Росоман. Договорот беше потпишан помеѓу Претседателот на Советот за развој на ВПР и Градоначалник на Општина Велес Г. Славчо Чадиев, Градоначалникот на Општина Кавадарци Г.Александар Панов, Заменикот Постојан Претставник на Програмата за развој на ОН- УНДП Г.Алесандро Фракасети и Раководителот на Центарот за развој на ВПР.

За подобро запознавање со потребите на лицата со попречености беше презентиран видео материјал преку што присутните се запознаа се реалните проблеми на овие лица, архитектонските бариери и ограничениот пристап до институциите како што се објектите на училиштата и општините. Во оваа насока обрќање даде Г-ѓа Далиборка Златева - Претседател на здружение на лица со церебрална парализа – Велес и изврши презентација на активноста за воспоставување на меѓуопштинска соработка во социјалната заштита и заштитата на децата и ранливите групи. Проектот предвидува градежни активности за монтажа на надворешни лифтови, приспособување на тоалети за потребите на децата со посебни образовни потреби, обезбедување на простор за рекреација и инклузија на лицата со инвалидност како и кампања за подигнување на јавната свест за потребите на овие лица.

Исто така на овој свечен настан, пред бизнис секторот беа промовирани и 20-те најдобри студенти со висок просек од деветте општини од Вардарски плански регион, кои што се вклучени во кодизајнирање на Кампањата за вработување на 5 најдобри студенти од регионот во претпријатија од регионот. За таа цел беше извршена презентација на видео материјал  кој што беше подговтвен во рамки на овој проект преку што присутните ја запознаа оваа група на лица во ВПР кој што имаат постигнато висок просек во текот на студирањето и имаат желба да се вработат во приватниот сектор од регионот.

3-ти Декември како Ден на Партнерства на Вардарски плански регионполека прераснува во традиција со што постепено ќе стане Ден-симбол на кој се прославуваат и споделуваат резултатите од успешните проекти за развој на заедницата, реализираните  активности и успеси на Центарот за развој на ВПР во соработка со партнерите, општините, јавниот сектор , бизснис секторот и невладиниот сектор.

 
Одржана финална конференција за изработка на Програмата за развој на Вардарски плански регион 2015-2019 PDF Печати Е-пошта

На ден 27.11.2014 година во Општина Свети Николе се одржа финална конференција за изработка на Програмата за развој на Вардарски плански регион 2015-2019 координирана од страна на Министерството за локална самоуправа и поддржана од страна на ГИЗ РЕД и Швајцарската агенција за развој и соработка - SDC.

Основната рамка за водење на политиката на рамномерниот регионален развој во земјата е дефинарана со Законот за рамномерен регионален развој кој ги пропишува планските документи за нејзина реализација. Програмата за развој на Вардарскиот регион е еден од тие документи и се базира на основниот концепт на политиката на регионален развој: развивање и имплементација на полицентричен модел на развој.

За изработка на Програма за развој на Вардарски плански регион одржавме шест работилници во кои беа опфатени следниве стратешки области: Животна средина и Транспорт, Образование и Социјална поилитика, Туризам и Култура, Земјоделство и Рурален развој, Економија и Инвестиции. По продуктивните работилници, добивме еден резултат, односно Нацрт верзија на Програмата, која што на финалната конференција ја разгледаме и дадовме свои финални коментари и забелешки.

При изработката на Програмата за развој на Вардарскиот регион користевме и национални документи од областа на регионалниот развој, односно работната верзија на Стратегијата за регионален равој на Р.Македонија и Законот за рамномерен регионален развој, односно Стратегиите за локален економски развој на општините во состав на Вардарскиот регион. 

 
Работилница за кодизајнирање на социјална маркетинг кампањата за вработување PDF Печати Е-пошта

На ден 03.11.2014 (Понеделник) во Општина Неготино, Центарот за развој на Вардарски плански регион организираше Работилница за кодизајнирање на кампањата за вработување на 5 најдобри студенти од регионот во компании од регионот, како втора активност во рамки на проектот Дизајн и имплементација на социјална маркетинг кампања за вработување на 5 најдобри студенти од регионот во компании од регионот”, финансирана од Програмата за Развој на ОН – УНДП.

Повеќе...
 
<< Почеток < Пред 1 2 3 4 5 6 7 8 9 10 Следно > Крај >>

Page 9 of 17
Copyright © 2017. Центар за развој на Вардарски плански регион. Designed by Pance