На 14.07.2025 (понеделник) во Бирото за регионален развој во рамки на Програмата за рамномерен регионален развој за 2025 година, се потпиша договорот за финансирање и реализација на проектот: “Подобрување на животната средина преку набавка на специјализирани возила во општините од Вардарскиот плански регион”.
Во овој проект се опфатени општините Градско, Свети Николе и Кавадарци, а се доделени средства во вкупен износ од 9.047.713 денари.
Набавката на специјализираните возила ќе биде поделена на :
Општина Градско – “Набавка на камион цистерна” со вкупна вредност од 3.700.00,00 денари од кои 3.100.000,00 денари од Министерство за локална самоуправа – Биро за регионален развој, а остатокот од 600.000,00 денари кофинансирање од општина Градско.
Општина Свети Николе / Municipality of Sveti Nikole – “Набавка на комбиниран багер” со вкупна вредност од 3.300.00,00 денари од кои 2.973.857,00 денари од Министерство за локална самоуправа – Биро за регионален развој, а остатокот од 326.143,00 денари кофинансирање од општина Свети Николе. Општина Кавадарци / Municipality of Kavadarci – “Набавка на машина за собирање на смет – ѓубретарка (количина 2 – две)” со вкупна вредност од 3.870.00,00 денари од кои 2.973.856,00 денари од Министерство за локална самоуправа – Биро за регионален развој, а остатокот од 896.144,00 денари кофинансирање од општина Кавадарци. Реализација на проектите започнува веднаш по објавување на постапката за јавна набавка!
No comment yet, add your voice below!