Центарот за развој на Вардарски плански регион и Технолошко-техничкиот факулетет од Велес, преку Грантова шема за иновативни проекти, а во рамки на проектот „Одржлив и инклузивен рамномерен регионален развој“ формираа ПРЕХРАНБЕНО-ТЕХНОЛОШКИ ЦЕНТАР ЗА РАЗВОЈ НА ИНОВАТИВНИ ПРОДУКТИ. Овој технолошки Центар претставува долгорочен стратешки инструмент за поддршка на регионалниот економски развој и конкурентност преку продлабочување на соработката помеѓу бизнис секторот од прехранбената индустрија и академската институција во Вардарскиот плански регион. Проектот беше финансиски поддржан од страна на Министерство за локална самоуправа и Швајцарска агенција за развој и соработка.
Во текот на работилницата беа претставени целите и формите на соработка во рамките на формираниот Прехранбено-технолошкиот центар (ПТЦ), како да креираме и произведеме прехранбени намирници во согласност со современите прехранбени навики и новите трендови во процесирањето на храна и претставување на можностите на новата лабораториска опрема, како и на можностите за користење на други лабораториски услуги од ПТЦ.
На крај од работилницата беа елаборирани иницијални идеи за соработка и зајакнување на врската академија-бизнис сектор.
No comment yet, add your voice below!