На 27.12.2021 во рамките на одбележувањето на “ДЕН НА ОПШТИНА ЛОЗОВО”, во просториите на општина Лозово Градоначалникот Г-дин Бошко Цветковски додели признанија на сите оние кои со своите дела во различни области ја промовираат општина Лозово низ целиот свет.
- Признание за посебен придонес во развојот на Општина Лозово доби Центарот за развој на Вардарски плански регион, коешто во име на центарот му беше врачено на в.д Директорот Г-ѓа Татјана Темелковска, за кое таа се заблагодари и најави продолжување и продлабочување на соработката со општината.
- Потврда за тоа е Договорот за соработка за реализација на проект од две годишната програма за рамномерен регионален развој за 2021-2022 година „Патна инфраструктура до туристички локалитети : археолошки локалитет Ѓуземелци – Кнежје во општините Лозово и Свети Николе (фаза 1), манастир Св. Архангел Михаил во општина Градско и куќата на Коле Неделковски во општина Чашка“; кој што в.д Директорот г-ѓа Татјана Темелковска во име на Центарот за развој на Вардарски плански регион и градоначалникот на Општина Лозово го потпишаа во кабинетот на градоначалникот.
No comment yet, add your voice below!