На 09.02.2022 година, Регионалниот центар за поддршка на социјални претпријатија во Вардарскиот плански регион во рамки на проектот „Поддршка на социјалните претпријатија“, организираше теренска посета на потенцијални социјални претпријатија од Вардарскиот плански регион.
Претставници од проектниот тим г-ѓа Барбара Садовска и г-ѓа Сузана Трајковска Кочанковска ја искористија можноста да присуствуваат и на свеченото отворање на првиот групен дом за поддржано живеее на лицата со попреченост деинституционализирани од Специјалниот Завод Демир Капија, како резултат на успешно реализиран проект на потенцијалното социјално претпријатие Здружение на лица со церебрална парализа и други попречености – Велес. На настанот присуствуваа и Градоначалникот на општина Велес и Министерката за труд и социјална политика.
Исто така, беа реализирани и продуктивни посети во работилницата на „Здружението на лица со церебрална парализа и други попречености“ како и во канцеларијата на „Меѓуопштинско здружение на лица со телесен инвалидитет на општините Велес, Градско и Чашка – МОБИЛНОСТ“, каде што се генерираа идеи и решенија како овие здруженија во иднина да прераснат во социјални претпријатија и на кој начин да ги прошират своите услуги и да се промовираат пошироко на пазарот на трудот.
Истовремено, проектниот тим оствари информативна средба со претставници од компаниите Динамо Хит и Унистар Трејд, кои што важат за едни од многуте компании кои се поддржувачи на социјалното претприемништво. На средбите се разменуваа идеи за развој на социјалното претприемништво регионот.
No comment yet, add your voice below!