Одржана работилница во рамки на процесот за подготовка на Националната стратегија за туризам

           Денес во просториите на Општина Велес, во рамки на процесот за подготовка на Националната стратегија за туризам на Република С. Македонија 2027–2032, успешно се одржа Регионална работилница, во организација на Министерството за култура и туризам и со логистичка поддршка од Центарот за развој на Вардарскиот плански регион,
           На работилницата учество земаа и претставници од единиците на локална самоуправа од региониот, јавни институции, претставници од туристичкиот сектор, бизнис секторот, граѓанските организации и останати регионални релевантни чинители. Преку интерактивна дискусија, се идентификуваа актуелната состојба и предизвиците во туризмот, како и развојните потенцијали во и можностите за унапредување на туристичката понуда.
          Собраните конструктивни предлози, препораки и идеи ќе претставуваат значаен придонес во изработката на Националната стратегија за туризам 2027–2032, со цел создавање поквалитетен, поодржлив и поконкурентен туристички сектор.