Skip to content

ОДРЖАНА ПРВАТА ФОРУМСКА СЕСИЈА ВО ВАРДАРСКИОТ ПЛАНСКИ РЕГИОН

ДАТУМ

ноември 20, 2026

На 20 ноември 2026 година, во хотел „Гардениа“ во Велес, се одржа првата форумска сесија во рамките на програмата „Регионални форуми во заедницата“ во Вардарскиот плански регион.

На форумската сесија учествуваа претставници на институции, општини и други релевантни чинители од регионот, со заедничка цел – идентификување на клучните развојни потреби и утврдување на приоритетите за понатамошен регионален развој.

Во рамките на сесијата беа презентирани и избрани приоритетните стратешки области и комплементарни подобласти за развој на регионот, а преку работа во групи и отворена дискусија учесниците ги идентификуваа и дефинираа приоритетните регионални проблеми и предизвици.

Посебен акцент беше ставен на вклучувањето на различните засегнати страни во процесот на планирање и креирање предлог-проекти кои ќе одговорат на реалните потреби на општините во Вардарски регион.

Регионалниот развој е заедничка одговорност! Преку активно учество, партнерство и соработка, создаваме основа за подобри развојни решенија и поквалитетен живот за граѓаните во Вардарскиот плански регион.

Споделeте:

Share on email
Email
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

No comment yet, add your voice below!


Add a Comment

Вашата адреса за е-пошта нема да биде објавена. Задолжителните полиња се означени со *

I accept the Privacy Policy