Одржана XVII – та седница на Совет за развој на Вардарски плански регион

Центарот за развој на Вардарски плански регион на ден 31.01.2024 година со почеток во 11:00часот, ја одржа XVII-тата Седница на Советот за развој на Вардарски плански регион – online.

• На on-line седницата се вклучија градоначалниците од Вардарскиот плански регион и се дискутираше по точките на дневниот ред.

• Се донесе одлука за приоритетна листа во рамки на предлог-проект “Подобрување на пристапот до обработливи површини во подрaчја на интензивна земјоделска дејност во Вардарски плански регион” за аплицирање на повик објавен од страна на Министерство за земјоделство, шумарство и водостопанство.

• Предлог-проектите за развој на Вардарски плански регион за 2024 година се рангираат според следниот распоред:

• П1: Подобрување на патната инфраструктура во подрачје со земјоделска дејност и обработливи површини во Вардарски плански регион на територијата на општина Демир Капија, “Попкини ниви” КО Чифлик во должина од 1800метри;

• П2: Пристапен пат до земјоделски површини пред с.Уланци, општина Градско, во должина од 1000 метри;

• П3: Приспособување на патната инфраструктура до земјоделско обработливо земјиште во место викано Танко патче во должина од 400 метри – општина Кавадарци;

• П4: Уредување на пристапен пат до земјоделско земјиште во село Дорфулија, општина Лозово во должина од 900 метри;

• П5: Реконструкција на пристапен пат до земјоделско обработливо земјиште во место викано Лозов Расадник во должина од 450 метри – во општина Свети Николе:

• П6: Реконструкција на пристапен пат до земјоделско обработливо земјиште во општина Чашка во место викано Савински рид, КО Чашка вон град, према Крива Круша во должина од 450 метри;

• П7: Уредување на пристапен пат до земјоделско земјиште во село Иванковци, општина Велес во должина од 750 метри.